陳沛嘉：唔應該拍低
陳沛嘉：同佢唔熟，但作為一個公眾人物，各方面都要小心，所有手機嘅相都要小心處理，尤其係咁激嘅相，可能嗰個係佢男友，情侶做呢啲事好正常，不過唔應該拍低！相片外洩好影響形象。
周倩圯：好似一單接一單都係負面新聞，好影響形象，可能佢鬼妹仔，做嘢唔理後果，但我覺得要識保護自己，始終影呢啲相有外洩可能，總之要為自己所做行為負責。
莊思敏：好明顯係佢啦！不過唔知係私下影定係做嘢時影？除咗家人，其他人都唔可信任，萬一同男友分手，唔知佢會點做。啲相係跟一世！奉勸唔好一時衝動做呢啲咁大膽嘅行為！
Cara G.：未睇過有關相片，但相信佢一定唔會拍呢啲嘢！
Mandy Lieu：希望佢唔好嘅嘢快啲走。女仔要小心啲，我就唔會影呢種咁私隱嘅嘢。