JC爆疑似淫照「潛水」馬詩慧斥病態

近日涉盜竊案的警鐘胸混血模Jessica C.（JC），再爆出疑似淫照風波，JC至今仍未親身交代。名模馬詩慧力斥拍淫照是病態，而另一模特兒諸葛紫岐則直指JC是整件事的受害者。

正當JC身在台灣開工及避靜之際，前日坊間有人兜售一批疑似JC淫照及片段，當中涉及口交等性愛動作。

無良兜售索價70萬

該兜售人士聲稱相片及片段是兩年前拍下，開價七十萬元。雖然事態嚴重，但JC「玩失蹤」未有交代事件，所屬模特兒公司Model One經理人Christine表示無奈：「未搵到佢，我嗰邊有同事，會翻譯畀佢知道個內容，等佢知道有幾嚴重！無論件事係真係假，佢都係受害人。」

疑似JC淫照令全城議論紛紛，名模馬詩慧接受電話訪問時說：「唔知係咪JC本人，但影呢啲相個Point係乜？唔通發生性行為咁樣影係刺激啲？或者呢個係病態！美好嘅回憶唔需要下下影低，年紀大時諗番起都得啫。就算影完呢啲嘢收埋，難保有一日會唔小心流咗出去！」她續指JC都算是受害者：「喺我心目中佢形象係Mutual，唔係好健康，亦都唔係唔健康。不過香港人好善忘，好快又有另一單新聞蓋過，但如果真係佢嘅話，希望佢反省吓！」

另一模特兒諸葛紫岐則說：「如果片入面嘅主角係佢，佢更加係受害者，點會諗過畀人攞出嚟？一個女仔發生呢啲嘢，一定好大打擊。」

兜售者或觸犯法律

對於有人兜售疑似JC淫照，黃國桐律師指兜售者可能觸犯法律，若JC在不知情下被偷拍或片中人並非JC，JC可報警控告兜售者欺詐、騙財，但若JC在有意識下拍片，版權屬拍攝者所有，他有權轉讓其他人，但報章或雜誌刊登截圖要小心，避免觸犯「淫穢及不雅物品管制條例」。