藝員江美儀加入無綫後工作不斷，粉絲亦愈來愈多，早前生日時更獲一班忠實粉絲搞派對慶祝！美儀直言入行十多年才首次與粉絲聚會，十分開心：「佢哋真係對我好好，好多時陪我拍劇，有時仲捱餓捱凍咁等我，當然唔希望佢哋咁做，因為我會好心痛。」派對上，美儀收了不少禮物，當中有一份令她十分難忘，她說：「有一位小妹妹親手整咗隻咖啡杯畀我，仲放咗我嘅劇照上去，好有意思！」問到男友吳君祥送甚麼禮物？美儀踢爆男友送了一隻錶，但原來他也很喜歡此錶，送給她後亦可隨時借戴，認真識揀禮物！
江美儀（右三）首次與粉絲開生日派對，獲贈不少禮物。
