Angela換個方式念鈴木仁

前Cookies成員區文詩（Angela）自與日籍男友鈴木仁分手後，專注唱歌事業，而新歌湊巧講述遙距戀愛，似是她的心聲，難免觸景傷情！

身兼歌手及DJ的Angela早前灌錄新歌《Kiss Me》，講述遙距戀愛，湊巧她與鈴木仁已分手，未知是否有暗示？她說：「好多人都低估遙距戀愛嘅威力，輕視咗距離同時差！（感同身受？）會呀！首歌係輕快中見傷感！（送畀鈴木仁聽？）係唱畀所有遙距戀愛嘅情侶聽！」

Angela表示與鈴木仁徘徊分手邊緣時，曾嘗試在日本定居1個月，惟始終未能適應及融入當地生活：「嗰度物價騰貴，雖然語言唔係太大問題，但我始終太愛香港，好享受香港生活！（掛住舊愛？）畢竟都有3年半感情，佢係我曾經好珍惜嘅人，呢個人對我好重要，依家只係朋友式掛念！」

Stephy破例填詞

明年初推出EP的Angela表示，已請來好姊妹鄧麗欣（Stephy）為她填詞：「今次係佢第一次寫詞畀其他歌手，我之前搵佢幫我填詞，佢一口答應，我好開心！（報答佢？）我欠佢太多嘢，不過好姊妹就在心中，我哋係互相

幫忙！」