有報道指王友良旗下日本模特兒久保杏奈（Anna）是名媛葉梁美蘭（Mira）契女，昨日Mira發聲明重申與Anna沒有親屬或契母女關係，對方的工作與她無關。Mira解釋：「有報道指佢係我契女，收到好多電話問佢工作同價錢，我要澄清同佢只係朋友，冇工作同錢銀轇轕。」而王友良則說：「Anna都唔知道發生乜事，佢一向尊重葉梁，從來冇認過係佢契女。（傳Anna傾新公司時自稱係葉梁契女？）冇可能，佢同我仲有幾年約，點會走去跳槽？」
葉梁美蘭（右）經常與久保杏奈結伴出席活動，因而惹來誤會。（資料圖片）
