熊黛林未夠勇氣嫁城城

熊黛林心情大靚，暗示生日與緋聞男友郭富城慶祝，笑言收到「好Sweet」的禮物，提到婚期，她表示還差點勇氣！

名模熊黛林（Lynn）、港姐朱晨麗、黃伊汶及「第四代Canon甜心」Alice B.等前晚出席The Swank活動。Lynn與朱晨麗大露背上陣，Lynn贏成條街，風騷嘟嘴影相！

剛生日的Lynn被問到與城城如何慶祝？她支吾以對：「唔……冇畀人影到當算！（二人世界？）畀啲秘密我！總之好開心！」問到收到城城甚麼禮物？她雖然大賣關子，卻冧爆地說：「係女仔都鍾意，好好、好Sweet嘅。」她透露已在歐洲買了生日禮物送給城城，記者打趣說城城甚麼都有，獨欠老婆時，她即說：「人生階段裏面差呢個階段！（幾時幫佢完成？）我唔幫得，要靠佢自己。」問到是否等城城求婚？她尷尬低頭大叫：「咦！唔講啦！（準備好未？）我諗我差啲，差一啲勇氣，係一世嘅承諾，有好大責任。」另一邊廂的城城，雖然忙於拍電影及綵排演唱會，但亦不忘舉行選拔賽，提拔新進舞蹈員。

朱晨麗恨拍戲

朱晨麗被問到是否有機會演出《潛行狙擊》電影版《潛罪犯》中「Laughing嫂」一角？她說：「睇公司安排，有機會梗係開心！（試鏡驚唔驚輸？）唔好話輸，係睇啱唔啱角色！」而黃伊汶則透露忙於開拓腕錶生意，會在成都及北京開分店。至於Alice B.提到Jessica C.涉盜竊案，她認為JC犯了很愚蠢的錯誤，希望對方能吸取教訓！