陳偉霆負傷拍戲搵命博

天生有扁平足的陳偉霆（William），有次跳Break Dance受傷，以致尾龍骨歪了，變了容易受傷的男人，自此拍打戲及跳舞都很易受傷，不過他寧願搵命博，也堅持不用替身。

我拍戲和跳舞經常受傷，因為我有扁平足，某程度會影響脊骨，所以我的尾龍骨有點歪；由於我喜歡跳舞，小時候跟朋友到文化中心學跳Break Dance，因為要撞落地，練到尾龍骨爆裂，有日睡醒起床，突然痛到不能動，要Call白車入院，原來尾龍骨已經歪了，骨與骨之間的軟組織磨蝕，尾龍骨壓住了神經線，所以痛到動彈不得。

自從那次受傷後，拍戲就好蝕底，有次跟蒙古摔跤手拍打戲，依照劇本是他敗給我的，但那天他有親友來探班，可能為了面子，他將我整個人摔落硬地，痛到不得了，但我惟有硬食。不過，即使再有危險動作，我都堅持不用替身，寧願搵命博。

騙媽咪受傷是宣傳

醫生叫我不要做劇烈運動，否則再嚴重可能連行路都受影響，但我唔鍾意用替身，惟有好好保護自己。所以，現在我很努力做運動，強化肌肉支持腰骨，就不會輕易受傷，其實自己都有點擔心，媽咪經常提醒我要小心，所以受傷也不敢告訴她，有時好驚公司跟記者講，讓媽咪知道了，惟有騙她只是宣傳。（全文完）

後記：玩得兼識做

25歲的陳偉霆，雖然外表寸寸貢，但其實性格玩得，平日跟傳媒關係不錯，就算面對藝人最怕提起的感情問題，他也不會黑面封嘴，盡量滿足記者要求，咁識做又合作，絕對是做藝人的必要條件。

口述：陳偉霆

筆錄：音樂組