黃宗澤昨日出席公開活動時透露，早前因眼部不適需要定時滴眼藥水，懷疑因此導致尿頻：「唔知係咪眼藥水有抗生素定類固醇，搞到去洗手間次數比平時多咗一倍，可能係排毒！（嚇親胡杏兒？）尿頻都嚇親人？（呵番你？）呵乜鬼，我成日都病o架啦！」提到有指歌手周永恒因投訴前上司、無綫音樂總監鄧智偉帳目問題而被開除，黃宗澤表示剛與鄧智偉晚膳：「佢只不過係音樂總監，點會可能『食夾棍』，輪都輪唔到佢啦！（周永恒投訴反而被開除？）內部嘅事我唔清楚，只能講鄧智偉唔係咁嘅人。」
黃宗澤與松岡李那（中）等行騷，幸好尿頻未有影響表現！
