Rainbow跟風打碟輸凸

o靚模組合冬甩成員Rainbow跟風學打碟，日前與三位師妹一起練習，有「E Cup官恩娜」之稱的Alina，以四吋的養眼事業線，成功凸圍！

不少o靚模由寫真轉戰DJ界鬥餐飽，組合冬甩的胡心諾（Rainbow）、何綽菲（Alina）、周梓盈（Ice）及曾寶玲（Ar Yu）四位新舊成員，日前齊齊練習打碟，為稍後在夜場舉行的打碟活動做準備。

四人在打碟師傅Ryan指導下，表現得有板有眼！她們還以性感打扮示人，當中Alina「Big爆」四吋事業線，「胸」贏其他三人。

有市場幾好賺

問到心情是否緊張？身為大師姐的Rainbow說：「都有少少啦！以前上台都係行Catwalk，今次就喺夜場打碟，唔知係乜嘢感覺。（怕唔怕被博懵？）唔怕，有保安喺度，而且打碟位置同舞池有一段距離嘅。」

對於近來不少o靚模包括何佩瑜（Jeana）及許穎（Phoebe）等，相繼進軍DJ界，Rainbow坦言是大勢所趨：「市場有需求，而且幾好賺，除咗香港外，我哋都希望遲啲去內地同外國打碟。（留意其他o靚模打碟？）冇喎，我哋唔怕比較，有競爭先有進步。」

舊成員Ar Yu則表示本身有音樂底子，但她坦言打碟有難度：「轉歌嗰Part容易甩拍子，所以要特別留心。」