背夫偷飲咖啡千嬅借BB跳床望有喜
楊千嬅昨日為下月在Star Hall舉行的演唱會舉行記者會，並拖着一位小女孩進場，更獲小女孩送吻，氹得千嬅大讚：「生番個咁得意就好囉！」對於經常被追問何時有喜，千嬅笑言答得太多都答到「呆晒」！有記者送上古法，指小朋友在她的床上跳會旺生B？千嬅即向女助手打主意：「咁你要借個B嚟我屋企跳先得。」問到可會考慮人工受孕？她則表示會嘗試先努力。
席上，司儀問到今次是否她生B前最後一次個唱？千嬅竟「倒米」說：「如果係最後一次，公司一定唔畀我喺Star Hall，仲唔標尾會喺球場、機場搞咩！」司儀更將歌名講錯為《K歌之王》，千嬅抵死地說：「呢首歌係陳奕迅o架！你係咪嚟掃場先。」
而為了生B要調理身體，被老公丁子高禁飲咖啡，千嬅竟然「背夫偷喝」，更要求傳媒不要踢爆她。
千嬅獲小女孩送吻，即大讚對方得意。
千嬅（右）開記者會，媽媽到場打氣。
千嬅（左）公然偷喝咖啡，卻叫傳媒不要踢爆她。