章子怡透露曾經因無法面對負面報道而萌輕生念頭，輔導心理學家唐弘智表示最好找人傾訴，釋放壓力：「要用健康嘅方法，即係傾偈！身邊人要做個好嘅聆聽者，好多時自殺念頭係一剎那，畀佢呻吓，喺講嘅過程中重組混亂情緒。另外，最好注意佢嘅言行，例如有冇講『永別』或將喜歡嘅嘢送畀人。」
唐弘智建議若有情緒壓力的話，可以認知角度開解自己，他說：「千祈唔好將事情災難化，例如講『死啦』或『弊傢伙』呢啲字眼，最好應該同自己講：『呢啲唔係事實，只係一單小小嘅新聞，只要我日後努力就會得到大家嘅認同。』」