莫文蔚父親缺席否認唔Like女婿
莫文蔚（Karen）前晚在意大利與德國籍初戀男友Johannes完婚後，將到歐洲度蜜月及到德國小住，11月返港「復工」，暫定12月在香港宴客。
出嫁前夕，莫媽媽為Karen進行「上頭」儀式，莫媽媽叮囑女兒婚後要相敬如賓，兩母女還品嘗湯圓，取其團圓好意頭。而未有出席愛女婚禮的莫父莫天賜仍身在香港，昨日他在電話中解釋：「我係道家信徒，喺道教中有一定身份，唔想受神父指手畫腳，而且我哋嘅家族有好多生意，唔可以個個走晒！囡囡好明白，佢哋一早得到我嘅祝福，我唔去唔係我唔滿意個女婿，佢哋兩個結婚一定得到我嘅首肯，我覺得呢個男仔唔錯！」莫父稱Karen在行禮前一小時有致電給他，他表示會永遠祝福及守護二人，但未有向女兒傳授夫妻相處之道：「我只係同佢講，如果對方唔對路就速撇。」
After Party上，莫文蔚與老公換上民族服跳舞！
莫文蔚如小鳥依人般黐實老公，Sweet到爆！
新郎哥興奮不已，當眾錫錫老婆仔莫文蔚！
莫媽媽情深一抱，送愛女出閣。
莫爸爸大讚女婿「唔錯」。（資料圖片）