陳慧琳催生靚B對親家
陳慧琳（Kelly）與郭富城分別為幾位脫離剩女行列的女藝人送上祝福！Kelly前晚出席活動時催促GiGi及Karen早日生個混血兒BB，為囝囝「蝦餃仔」劉昇「預訂」女友：「佢哋優質嘛！（想要德國定西班牙新抱？）兩個都好得喎！蝦餃仔發達喇！」提到GiGi舊愛鄭伊健仍未成家立室，她說：「講咁多次都唔係，講番啲係嘅先啦！（嘥氣？）係囉！加油啦！男仔係咁o架喇！」
另外，城城昨日出席活動時衷心祝福幾對新人幸福快樂，問到會否閃婚？忙於拍戲及綵排個唱的城城笑言時間唔夠用：「我會閃瞓、閃食、閃醒同閃做，四大寶物！」即將生日的他身為「聯合國兒童基金會東亞及太平洋地區大使」，還呼籲朋友及Fans送上慈善禮物，包括同樣是10月生日的女友熊黛林，他說：「禮物可以送兩份嘛！（諗咗送咩畀熊黛林未？）呢個唔講喇！」
陳慧琳催促梁詠琪及莫文蔚早日生BB。
城城笑談閃婚，揚言會「閃瞓、閃食」！