林嘉欣：唔係（目及）實老公

近年息影結婚生女的林嘉欣，昨日首度親自開腔否認婚變傳聞，強調回流返港定居是和老公的共同決定，並指湊女是瘦身秘訣，更否認息影之說，只要配合湊女的時間表都會照樣拍戲。

久未露面的林嘉欣昨日出席新店活動，同場有名模陳嘉容、余安安、葉蘊儀及龐維仁前妻黃美儀等。以鬆身衫現身的嘉欣，明顯比前消瘦，她笑言瘦身秘訣就是親自湊女，可以消耗不少卡路里：「個女又開始大，我行去邊就跟去邊。咁我又唔想畀工人湊，所以好快瘦番同以前一樣。」對於早前有傳婚姻亮紅燈，更被指帶女返港（目及）實老公袁劍偉，嘉欣聞言即笑說：「其實我同老公都鍾意香港，佢屋企人又喺晒香港，仲有同個女長期分隔兩地都會掛住。（唔係（目及）實老公？）唔係咩（目及）實，亦唔係好似雜誌所講咁難聽，我哋一早有默契會定居香港。」

隨時復出拍戲

問到會否再造人，嘉欣即時瞪大眼說：「要諗一諗，因為生完一個先發覺原來真係咁，等個女大少少先啦！（復出拍戲？）傾緊個舞台劇，我依家冇簽公司，自己接工作。始終我唔想開工時間太長，同埋唔想出埠，我諗冇公司會肯簽我，如果有啲電影喺香港拍都可以考慮。」又指只要她能夠分配好時間，老公對於她復出表示沒問題。