阿佘越洋祝福 敏之催生靚B
好姊妹郭羨妮（Sonija）大喜日子，佘詩曼與陳敏之雖不能到外地出席婚禮，但均越洋送祝福。身在內蒙拍劇的佘詩曼恭喜Sonija找到真愛，付託終生是幸福的事，並祝兩人永結同心。陳敏之被問到有否獲Sonija邀請出席婚禮，她說：「冇呀！佢之前講過婚禮想低調進行，只係請親戚，所以冇請我哋。（返嚟同佢開派對慶祝？）未知，要等佢通知，但佢返嚟一定會食飯慶祝。（有乜恭喜佢？）快啲生仔囉！佢都想㗎！佢本身係混血兒又靚女，生出嚟嘅BB一定好靚。」另一好拍檔郭晉安透過微博恭喜Sonija，祝兩人白頭到老，幸福恩愛，快些像他一樣生BB湊夠一個「好」字。
郭羨妮北上行騷，朱少杰則在台下睇騷打氣。
好姊妹郭羨妮出嫁，佘詩曼與陳敏之開心不已。（資料圖片）
陳敏之