我的最愛!

阿一鮑魚扣花膠鵝掌 (A)$2,240(一位)

「鮑魚比較貴,唔可以成日食,耐唔耐食吓就好掛住佢,呢度啲鮑魚喺日本嚟,日本水域嘅水質係全世界最好,其實鮑魚嘅汁好緊要,呢間食肆用老雞、金華火腿、排骨熬汁,味道鮮美,好啱自己。」

西班牙風乾橡果豬火腿(B)$480

「呢隻豬火腿風乾咗60個月,比較少有,味道超好又有香味,就咁食都唔會太鹹,跟出面嘅與別不同,呢間法國餐廳用嘅係走地豬,啲豬出世後就食齋,只飲奶、食橡果,所以啲肉完全唔肥膩,顏色、口感、質量同出面嘅餐廳好唔同,要有好靚嘅豬先做到呢個效果。」

豉汁涼瓜炒魚腸(A)$190

「好鍾意食涼瓜,除咗可以清熱解毒,維他命仲好豐富,雖然有啲人會覺得魚腸係內臟唔健康,少食為佳,但呢間食肆嘅魚腸有鵝肝感覺,而且配涼瓜變得冇咁肥膩,又可以吸走啲油。」

焗蠔(B)$198(半打)

「以前我好鍾意食生蠔,食咗十幾年,但呢幾年鍾意食熟蠔,呢味焗蠔改變咗我對生蠔嘅喜好,佢用洋葱、忌廉、芝士焗製,啲汁唔會太濃掩蓋咗蠔嘅鮮味,而且芝士硬硬哋咬落好脆,汁同蠔都配搭得好出色。」

阿一鮑魚扣花膠鵝掌 (A)$2,240(一位)

西班牙風乾橡果豬火腿(B)$480

李妮識飲識食,平貴通殺。

豉汁涼瓜炒魚腸(A)$190

焗蠔(B)$198(半打)