莉莉哥連斯不只花瓶

歌手菲哥連斯的女兒莉莉哥連斯闖荷里活，受訪時大讚《喋血新世紀》拍檔Taylor Lautner不只會露胸肌，還會演戲！

今年22歲的莉莉，最近與憑《吸血新世紀》「狼人」一角走紅的Taylor於動作片《喋血新世紀》合作，對於電影中只有一幕Taylor脫去上衣晒肌的場面，莉莉笑說：「呢個唔係重點！呢套戲係睇佢嘅演技，我覺得大家都會為佢嘅成長感到驚訝！」她又指從Taylor對待粉絲的方式中獲益良多：「有次我哋喺匹茲堡拍戲，由夜晚拍到第二朝5點幾，有成600幾個粉絲喺外面等Taylor，佢逐個幫佢哋簽名合照！佢好重視粉絲，會確保佢哋知道自己有幾多謝佢哋！我一路睇，就記住要學佢咁，要回報支持你嘅人！」

欣賞導演夠活力

莉莉形容演繹角色很好玩：「我同Taylor喺戲入面，開頭仲係曖曖昧昧咁，但發展落去佢哋成為一對拍檔，大家互相需要，我成為Taylor嘅基石！我嘅角色係一個好有自信同堅強嘅女仔，唔係淨係傍住Taylor嘅花瓶，有份參與動作場面！」

莉莉指導演John Singleton是其中一個合作時最好玩的導演：「我最鍾意佢唔只喊『Action』，仲會話：『OK，Action，go！』佢經常精力充沛，有次佢想我拍一場喺森林逃跑時跌倒嘅戲，佢仲真係自己試跌一次先指導我！」