李蘊驚魂夜靈童擦身過

歌手李蘊對鬼神之說一直半信半疑,至早前在樓梯兩度遇上靈異事件,才深信世上的確有靈體存在,她誓神劈願地說:「我真係冇眼花!因為我同師弟都睇見聽到!」她坦言經過此事,以後不敢在半夜行樓梯!

為自我增值,李蘊近期積極與視覺系樂隊師弟ParanoiD練打鼓,有時更練到深夜才離開位於葵涌的Band房。在個半月的夾Band日子裏,李蘊每晚在4位師弟陪伴下,途經一條長樓梯再行幾個路口,走出大街搭車回家。

不過約10日前,她與師弟如常行經為數近50級的長樓梯時,身後突然傳來急促的腳步聲,聲音由遠至近,且跟他們緩慢的步伐聲不同!由於已凌晨1時,初時她也感到奇怪,但她不以為然繼續前行,至落完最後一級樓梯時,她隨口問身邊的Gloomy:「你聽唔聽到有人跟住我哋尾落樓梯呀?」Gloomy點頭說:「有呀!做乜?」隨即回頭一望,但他神情有異說:「唔見人喎!」李蘊心知事有蹊蹺,但為免引起恐慌,與師弟打個眼色就急步離開!

事隔幾日,李蘊與Gloomy已淡忘上次「只聞樓梯響,不見人下來」的怪事,繼續重回「怪聲樓梯」,一如上次,又是凌晨1時許及同一條長樓梯,他們再聽到似曾相識的急促落樓梯腳步聲!心頭一寒的李蘊,欲鼓起勇氣回頭看個究竟之際,突見身邊有一位孭住書包的小朋友走過,直奔第一個路口再轉入小路,李蘊慶幸自己是疑心生暗鬼之時,她與Gloomy途經該小孩轉入的路口,好奇舉頭一望,李蘊暗叫「大件事」!

只聞聲冇人影

令李蘊全身起雞皮疙瘩,全因該路口是「掘頭巷」,根本無路可走!那麼,剛與她擦身而過的小孩去了哪裏?而且她沒看見小孩折返,李蘊再問Gloomy:「你見唔見到呀?」今次除Gloomy外,連其他3位成員都驚叫:「我哋都見到呀!」眾人即拔足狂奔,直跑往大街截車離開!李蘊說:「雖然呢件事聽落好戲劇性,不過真o架!我同ParanoiD話以後都唔會行嗰條樓梯,寧遠兜遠啲路,因為我唔想再見第3次喇!」

驚見「木乃伊」游走

問到是否「見過鬼怕黑」?她自爆小時候也曾遇過疑似撞邪事件,有晚她在家中看風景俯瞰樓下,看見一個全身白色,類似木乃伊的人偶在街上:「我再望清楚,見到人偶冇頭o架!我唔明點解個人偶好似人咁郁!」由於大驚,她當時即告之媽媽及匿在房中不敢再望,至於是否真的撞鬼,直至仍是個謎!她說:「不過今次唔同,因為真係親耳聽到、親眼見到!(夜晚有冇驚到發噩夢?)咁又冇,我會催眠自己,叫自己快啲唔記得,況且我冇害過人,應該唔會有『人』會搞我!」

音樂組

李蘊兩度於同一地方疑遇靈體,難怪她嚇到O嘴!

李蘊與ParanoiD曾於行樓梯時疑遇「小孩」,切勿回頭八卦呀! (設計圖片)

李蘊與Gloomy最先發現「靈界Friend」,驚嚇之餘卻要扮若無其事。