諸葛紫岐絕不奉子成婚

明年才下嫁Neway太子爺薛嘉麟的名模諸葛紫岐，笑指未來老公已「催生」，但她不會提早不設防。而專程來港的台灣音樂才子陶喆，雖然單身卻希望明年榮升爸爸，生個龍BB！

名模諸葛紫岐、陶吉吉、模特兒鍾浠文及羽翹，昨天齊出席護膚品活動。諸葛更由男友公司的職員充當助手並陪同到場，她解釋因自己的助手沒有空才借用。而專程來港的陶吉吉，為品牌設計標籤兼唱作以關懷兒童為主題的歌曲。

坦言恨生小朋友的諸葛，被問到是否現已不設防造人，她即說：「咁又唔得，呢啲嘢要計劃。（考慮加盟男友旗下？）賺多啲我唔介意，我出年春天結婚，婚後老公想我快啲生小朋友。」對於早前有傳陳法拉因不滿記者偷拍而即場回應一句「家屬謝禮」，疑有欠禮貌，她表示不知情，因而不便回應，況且平日各有各忙。

陶喆唔搵代母生仔

前晚抵港兼患上感冒的陶吉吉表示，颱風令他十分狼狽，他說：「好耐冇嚟香港，一嚟就打風，都幾驚險，我喺機場等咗八個鐘，我有啲同事更要飛番台灣。」有助養小孩的陶吉吉，自爆希望明年可以有個龍BB，他說：「我好鍾意小朋友，身邊好多朋友都有小朋友，自己都想盡快，希望出年龍年可以，但目前仍未有女朋友！（搵代母？）呢啲一定要老婆生。」