好友陳少琪大讚新郎哥
據悉GiGi今次閃婚，在西班牙行禮只邀請數個知心好友出席，包括唱片監製陳少琪，昨午記者致電少琪時，他還佯裝不知：「我唔相信（閃婚）囉！佢結婚會話我知。」但當他得知GiGi已親證婚訊後，身在北京的他以長途電話回覆，坦言見過GiGi的西班牙籍男友：「佢對GiGi好好，好尊重GiGi嘅職業，佢兩個好溫情。」而DJ雲妮對GiGi閃婚則表示不知情：「前幾日搵佢，問佢去唔去睇騷，但佢用短訊覆我話好忙。」
古仔克勤祝福
另外，曾與GiGi合演情侶的古天樂，昨晚出席活動時表示不知對方婚訊：「如果係梗係喜事！（信佢會閃婚？）係就請飲啦叫佢！（平時你哋有冇聯絡或者出嚟？）開工就會聯絡。」他直指今時今日閃婚很普通，他說：「我比較傳統，暫時都未搵到適合對象（結婚）。」GiGi另一好友李克勤亦送上恭喜：「唔知佢拍拖，好耐冇見。（打畀佢？）我似咁八卦咩？」
受腳傷困擾的古天樂透露，下周開始不用靠工具輔助走路。