高鈞賢變壞非禮苟芸慧

高鈞賢（Matthew）以滿意酬勞為頭髮保養產品擔任代言人，日前更以多個不同造型拍攝平面廣告，當日Matthew不時擺出Chok樣。自當選香港先生後，Matthew入行已有六年，相對其他港男機會較多，不過他希望公司可給予多些不同機會，問到與無綫合約還有多久，他表示不便透露：「如果多發揮機會，就算簽賣身契都唔緊要。」他又希望一改斯文形象：「之前我喺《潛行狙擊》中飾演黑社會分子，依家喺梅小青新劇中，我會飾演一個壞人，喺劇入面會非禮苟芸慧。（怕唔怕影響形象？）唔怕！」

此外，問他有否脫髮或頭髮上的煩惱，他說：「暫時未有，不過入行後經常要拍古裝剃光頭，拍完又要用火酒抹，啲毛孔會塞住，我平時都有做Facial。」

高鈞賢擺出Chok樣，以多個不同造型拍攝廣告。