「翻版大S」Liz拋棄虛名 不斷自我增值

不是所有o靚模都只想爭出位，有「翻版大S」之稱的李宥彤（Liz）卻不看重虛名，只希望每年看見自己有進步。

由出道開始，李宥彤一直是廣告商的寵兒，接拍廣告不少，但在模界來說，她向來都是新聞不多的一位，Liz說：「我鍾意工作，鍾意做嘢，但唔太習慣是非多多。」在她看來，不是有新聞就是好事，她認為最重要是看到自己有進步：「其實大家都好明白，就算成日上報紙，亦未必係因為你嘅努力，亦都唔等於得到認同。」

Liz坦言從來沒有放棄進修的念頭，喜歡小朋友的她不諱言想讀幼兒教育，將來和小朋友為伴：「我唔想見到自己一路冇進步，不過做模特兒呢行睇落好似好輕鬆，但都好難有固定嘅時間表，個個都知做模特兒唔係長久嘅職業，我一直好想讀一個深造課程，但係呢行接工作唔定時，唔通接咗嘢做又唔返學咩，咁樣好浪費。」

學結他圓歌星夢

未能正式攻讀喜歡的課程，Liz亦不肯就此閒着，目前勤力苦練結他，自幼愛唱歌的她一直希望自彈自唱站在台上表演，最近她收到好消息，公司考慮讓她一試唱歌，令她非常雀躍。