十月生日的李蕙敏（Amanda），今年有男友相伴歐遊預祝生辰，甚少講男友的Amanda甜蜜地說：「佢份人好樂觀，成日都叫我做人輕鬆啲，拍拖後我都開朗咗！今次因為要返內地登台，只逗留一星期，佢同朋友留低睇F1賽車。期間我哋住喺意大利Como湖畔，路經荷里活影星佐治古尼寓所，但佢去咗威尼斯影展，緣慳一面！」拍拖初期，男友不知道Amanda是歌手，她說：「有次的士司機問佢係咪識Amanda？佢好奇上網查，知道後好驚喜。但佢唔識中文，好少聽我啲歌。」
暢遊意大利Como湖畔的Amanda表示，與佐治古尼緣慳一面。
