Rainbow率師妹 拍寫真玩出火

o靚模組合冬甩的大師姐胡心諾（Rainbow），日前率領師妹何綽菲（Alina）、Fantasy的謝芷蕙（Cammi）和陳芷敏（Elke），接受《娛樂on Show》訪問。Rainbow認為今年寫真集銷量算有交代，又對其「玩火造型」情有獨鍾！

人氣網站ontv的娛樂新聞話題性十足，而追蹤消息及獨家猛料又極有吸引力，加上紅星偶像專訪，難怪點擊率爆燈！寫真大戰暫告一段落，冬甩和Fantasy日前接受周吉佩主持的《娛樂on Show》專訪，為寫真戰作賽後檢討。大師姐Rainbow對寫真銷量感滿意，並認為算有交代，她對寫真中的「玩火造型」尤為鍾愛，並自爆愛玩火：「我影過三次寫真，今次更有心思去做，之前未試過玩火造型，我本身都鍾意玩火，細個奀皮玩過煲蠟。」

Alina彈港男大男人

每年冬甩及Fantasy都會招攬新血加盟，早前並舉辦甄選比賽，問到Rainbow如何揀蟀？她說：「睇吓有冇自信，有自信就OK，係成功第一步。」年紀輕輕的Cammi則表示最緊要有上進心。

談及對香港男生的看法，Alina大彈港男比較大男人：「有時女仔拎手袋拎到，但啲男仔都唔肯幫手拎一陣，幾大男人㗎！」不過，Rainbow、Cammi和Elke唱反調，大讚港男有風度，相比日本及韓國人，不算大男人。想知道四女的近況，就務必留意《娛樂on Show》的專訪。