汪詩詩爆子丹「斷手」嚇女

甄子丹太太汪詩詩前晚出席活動時透露老公正在港拍戲，她說：「佢喺香港拍戲好難得，所以有機會都想盡量去支持。（買啲嘢食去探班？）會呀，其實我次次都會『萬歲』！有次去雲南探班，佢哋冇乜好嘢食，我帶咗啲朱古力嗰類嘅零食去，佢哋好開心，成班好似饑民咁！」問到可有帶子女去探班？她說：「試過一次同個女去，咁啱子丹嗰場戲斷咗雙手，個女見到唔敢行埋去，仲不停問爸爸隻手去咗邊，我就解釋畀佢聽唔係真。」問她會否效法張栢芝讓兒子客串拍戲，她笑說：「我諗我個仔仲未Ready好，不過佢都好有表演欲，最鍾意跳舞同打功夫。」

Deep V上陣的汪詩詩冒着風雨出席活動。