陳浩民廿萬人仔一集

香港演員近日因本地電視台挖角潮帶挈而有機會「抬高」身價，反而前無綫演員陳浩民、劉愷威返內地拍劇賺「人仔」約五、六年，二人身價早已廿級跳，二人每集達二十萬，年拍兩套三十集劇已賺逾千萬人民幣，浩民更大爆前女友佘詩曼轉戰內地拍劇達二十五萬人民幣一集，令他慨嘆藝術工作者在內地才受尊重，問到可會返港助娘家打仗？他說：「李添勝係第一個搵我拍劇嘅人，佢搵我唔收錢都拍！」

剛返港探父母的劉愷威亦認同香港藝人不受重視，他又透露父親劉丹亦是王維基挖角對象，愷威說：「點解冇人搵我？被挖嘅感覺好開心，有好劇本、拍檔我都願意返嚟幫手。」而劉丹稱與無綫尚有一年多合約，故婉拒王維基之邀。

另外，視帝黎耀祥昨晚與樂易玲接受《東張西望》訪問，祥仔堅稱對無綫絕無異心：「我只係TVB視帝，出到去未必係！」

至於本月約滿無綫的王喜，昨日在微博心酸表示沒有人來談續約，再捨不得也只好放下，同樣前途未卜的馬浚偉亦有留言祝他一切順利，王喜也回覆祝他求仁得仁！