Kary染金毛招錯桃花

吳雨霏（Kary）轉投新公司後，即染了一頭金髮及找風水師指點在家擺陣增桃花，昨日便獲邀與汪詩詩、名模馬詩慧和女兒等出席bareMinerals化妝品活動。Kary與形象指導馬天佑同場，但被公關形容為「密友」，她聞言即驚訝地說：「吓！好驚喎！佢係我形象指導，所以我哋先成日一齊。我一定唔會鍾意佢，佢亦一定唔會鍾意我，唔知點解公關會咁寫！我覺得唔係咁好。」提到「餅碎」傅穎日前生日時在微博上道歉，她力撐說：「我識咗佢咁多年，佢係一個好率直嘅人，咁有好有唔好啦！經過今次件事，佢會一切順利啦！」

Kary以「金毛」新造型出席活動，但無故被指有個「密友」。