楊千嬅前晚出席《關注乳癌運動》揭幕活動時透露，每半年檢查身體一次，造人大計則隨時準備：「生BB最緊要係心情，忙埋12月就放個幾月假，調理身體，到時日日約朋友食飯實開心！（全力造人？）呢啲唔使嘅，最緊要中。（一擊即中？）係個天畀嘅，命中注定。」同場的李美鳳自爆向老公請了14日假跟女友人歐遊：「對仔女都13歲，計埋懷胎10月即係14年，每年攞1日，儲埋14日假。」她透露外遊雖有艷遇，但跟老公互相信任，故老公大可放心。
陳嘉容（左起）、丘凱敏、千嬅、李美鳳和林莉出席活動。
