蘇玉華：反而收到無綫嘅電話想傾續約，但我仲有年幾合約，真係史無前例，證明我有用、有實力！挖角潮可令公司面對現實，應該以行動證明員工係公司重視嘅資產，仲要有合理酬勞。
郭晉安：收到挖角短訊，王維基秘書仲有打嚟，但我婉拒咗！想專心做嘢先，有機會再傾！（樂易玲話考慮加人工！）真係？幾時到我？但我啱啱簽約！最緊要套劇係最多人睇，我都係揀無綫。
張智霖：我係自由身，同邊間電視台合作都存在可能性，如果無綫叫我返去拍劇嘅話，睇劇本囉！如果冇好故事，所有嘢都係徒然。（爭視帝？）我唔覺得有份囉！又冇簽經理人約，咁多年我攞過啲乜獎？
