何佩瑜情變狂谷淚

o靚模何佩瑜（Jeana）近日受情變困擾，事緣她日前被拍得搬離與男友胡志鵬的愛巢。Jeana昨日出席足球活動時谷淚回應：「大家都四年感情，又識於微時。」說畢她即望向身旁的Hidy，然後把頭挨在Hidy膊頭上，過了兩分鐘「冷靜」下來後，她續說：「我哋要冷靜一段時間。（係咪男友介意你行性感？）咁佢始終係傳統男人。（佢家人嫌棄你？）我又唔係做咩！可能佢想搵個女朋友結婚生仔啦，但我未Ready。（妥協唔到結婚所以冷戰？）可以咁講。」至於搬屋當日有Bro5成員La Ying貼身護送，問到有否發展可能？Jeana說：「只係驚最近搭巴士比較亂，先叫佢車我。」

何佩瑜與Hidy出席活動時表示，正與男友冷戰。