近日電視台掀起一股挖角潮，袁詠儀（靚靚）昨日出席在海港城舉行的活動時表示，有多間公司向她招手：「價錢好難同內地比，主要睇劇本吸唔吸引。（對手呢？）總之要畀最好嘅我。（畀你同老公合作？）除非好多錢，之前同佢合作過但唔開心。好似我同陳小春咁老友，合作拍戲都會鬧交。不過靚仔係必須嘅，因為要對住幾個月。好想同黃日華合作，我覺得佢係有要求嘅人。」她又透露有人想邀其子魔童（張慕童）演出，但因兒子沒有演藝細胞而拒絕。
愛子心切的靚靚堅拒讓魔童在幕前演出。
