樂易玲加薪挽留阿佘祥仔

無綫面臨人才流失的危機，不斷被外間公司挖角，亦有藝人因不受無綫重用而大控訴。面對內憂外患，管理層不得不下旨救亡，對於六嬸下令力挽人才，昨日樂易玲坦言六嬸個個都要留！據知她主力向一眾有收視保證的部頭合約藝人如歐陽震華、黎耀祥、佘詩曼等埋手，望以加薪挽留人心。

近日「城巿電訊」老闆王維基向無綫進行大規模挖角，更多次親身出擊傾約，望以誠意打動藝人；相反，無綫多次被旗下藝人炮轟，指合約遲遲不傾，亦不受公司重視。面對內憂外患之際，有指六嬸已向下屬下旨急急留人，藝員部亦不敢怠慢，速速與藝人提早續約及傾約。

無綫製作資源部總監樂易玲不諱言調整藝人薪酬是她一心想處理的事，不過還要一步一步來，問有甚麼重點演員有機會重新調整薪酬，她說：「呢個暫時都係我一個想法，會向公司提出，而包薪經理人合約嘅藝人，向來都會因應佢哋嘅人氣同成績作適當薪酬調整。」她坦言不理哪個是被挖角的對象，現時會加快腳步與藝人傾約，全面加薪留人。

嘉穎苦等18年終出頭

問到重點會留哪些藝員時，她說：「所有經理人合約嘅藝人其實仲有好多年合約，但個個都會傾，最緊要依家公司畀咗方向我哋，要將藝人薪酬提高。」她又指部分演員即使早前已經續約，都會加回某個幅度的人工，因應每個人情況而異，不會等約滿才再加薪。據知，樂易玲主力向一眾高收視藝人如歐陽震華、黎耀祥、佘詩曼等埋手，挽留人心。她又稱若然藝人想在內地拍劇，又不想疏遠無綫，可像佘詩曼簽部頭合約。提到有指六嬸點名要留馬浚偉，樂易玲說：「六嬸個個都要留！」

另外，說到有指鄭嘉穎在內地身價升了16倍，她坦言對方都有這個價：「佢都唔係最高嗰個，16萬一集唔算太高，正如李國麟講呢行都係善於打仗，呢場仗對無綫嚟講係好事，可能啲人覺得無綫好似一艘觀光船，其實佢係一艘戰船，依家撻着番，個個都好起勁，有人搶當然值錢啦！」記者昨日致電身在內地拍劇的鄭嘉穎，對於16萬一集被挖角，他指下一部劇對他來說很重要，會看重劇本，又坦言今次是好開始，天時、地利、人和都很重要，問他是否等了多時，他說：「我入咗行都18年嘞！唔係短日子。（你已成好多後輩目標？）多謝佢哋支持，其實多年前我喺某頒獎禮講過，只要咬實牙關，一定等到，總會有機會。」