Iris彈周秀娜打碟渣
「爆E超蓮」Iris和「混血E神」Monna加入模打碟熱潮，兩個月前正式拜師，每周勤練三天，結果進步神速，Iris坦言技巧漸趨成熟，希望進一步成為專業DJ，同時不會視周秀娜為目標，因為對方未夠班：「我冇睇過周秀娜表演，但聽好多朋友評論過，但我好有信心超越佢，周秀娜係個好叻嘅Model，佢有好多嘢值得我學習，但唔包括打碟。」
Monna在內地表演多場後最近更獲邀前往澳洲演出，一雪被Jeana公開嘲笑未能接外國騷之恥，Monna寸爆地說：「唔好睇小我，我真材實料兼戰鬥力好強，反而擔心有啲人嘅身材會頂唔到強勁音樂而爆煲。」
Iris要做專業DJ，不視周秀娜為目標。
Monna狂寸Jeana小心打碟打爆身材。