嘉玲狂買衫搵靈感
至今已代理三個服裝品牌及一個手錶品牌的劉嘉玲，於米蘭時間25日，視察其代理品牌的2012春夏女裝發布會，更首次以中國區代理的身份出席米蘭時裝周，同行更有好友及台灣合作夥伴包括微風廣場常務董事廖鎮漢及妻子孫芸芸，以及名媛廖曉喬。由於只在當地逗留三天，行程緊密，甫到達即到設計師工作室，並要洽談引入其他品牌，嘉玲笑言首次在米蘭冇時間看時裝騷。
由於嘉玲是影后級人馬，故是次出席發布會，吸引當地媒體追訪，原來主辦發布會的品牌只有男裝，後來經嘉玲建議下，終於誕生2012春夏女裝系列。
雖有多個品牌在手，但嘉玲的置裝費不減反增：「因為我要掌握潮流，仲必須喺其他品牌尋找靈感。而且，我一直都有劇本喺手，但仍未有合適角色，所以呢個階段專心開發自己代理嘅各種品牌。我認為時尚係生活態度，只想將唔同嘅生活方式介紹畀大眾。」
劉嘉玲（左）和孫芸芸出席米蘭時裝周時甚感興奮。
劉嘉玲（左）視察其代理品牌春夏女裝發布會。