李家鼎誓阻翻撻：飛咗你返轉頭得唔得？

李家鼎接受訪問時坦言，會力阻泳豪與思琦復合：「一定阻止，冇可能！No！等於有咗第二個女人，飛咗你又返轉頭，得唔得？公道啲囉！我係老竇一定會輔導佢（泳豪）。（泳豪情傷好番晒？）佢心情冇乜嘢，依家專心工作，幫我手教騎馬，自己又教車玩飄移咁。」施明則說：「消息好突然。（想思琦同泳豪復合？）好難答，做媽媽點答都唔啱，泳豪表面上平復晒，事實上內心仲好痛，咁易放得低就唔係真愛。」

泳豪孖生哥哥李泳漢說：「冇意見，細佬近況幾好，專注事業。其實佢不嬲都專注事業，就算分手嗰時都好有演員操守。（介紹女仔畀細佬？）唔啦，緣分冇得急！」

李家鼎（右）坦言會力阻泳豪與思琦復合。（資料圖片）