王維基寸無綫孤寒
引發挖角潮的城巿電訊主席王維基，昨日揚言已邀請逾30名編審、編劇及逾20名監製、導演加盟，打造主攻內地的戲劇王國：「啲人才來自香港某個電視台，都係頂尖人物，曾經參與《巾幗梟雄》、《宮心計》同《金枝慾孽》等劇集。」但他拒透露有否斟一線花旦小生佘詩曼、馬德鐘及林保怡過檔。
對於有指其公司減少抽佣「吸星」，並以一倍薪金招攬幕後大軍，他雖悉數否認，但不忘暗寸無綫「孤寒」兼欠尊重：「如果為錢走咗好耐！啲人做咗十幾廿年，都得萬幾兩萬蚊人工，點養妻活兒？（無綫出招挽留？）據我所知，冇一個肯留低喎！我見咗32個編審同編劇，31個都簽咗，嗰啲編劇訓練班開得嚟都『蚊瞓』！」他還透露將加入電影演員「鬥戲」！
此外，有網友在王維基微博留言撐無綫「獨大」，他即反擊指港人應有更多選擇。
王維基聲稱成功「挖」走不少編劇與編審，並寸無綫孤寒。