祖兒任摸當驗身
容祖兒前晚擔任經典趣劇《蝦仔爹哋》舞台劇首場嘉賓，主角林建明、盧海鵬及戚美珍等重現經典，連環爆肚發放笑彈！祖兒飾演「3D天后」，從3D電視機走出來，盧海鵬趁機整蠱，在她唱歌時不時發出怪叫，其後林建明大叫：「嘩！容祖兒喎！摸吓先！」隨即以手掃向其膊頭及身體，盧海鵬問：「摸得口架？」亦摸向其膊頭，幸好祖兒處變不驚：「好似海關驗身咁，好好玩！冇乜所謂，呢啲回憶可一不可再！」另外，祖兒早前赴台北誠邀比爾賈執導的新歌《花千樹》MV終於曝光，充滿美感，令她相當滿意！
至於身體狀況一般的林建明，雖然獲劇組特別照顧，但至臨完場前明顯體力不支，於台上仆倒，曾志偉即笑說：「佢支持到X街呀！咁我哋齊齊支持呢個X街啦！」由於盧海鵬與曾志偉先後在台上爆粗，不過盧海鵬否認，還着記者指出哪一句是粗口！舞台劇吸引錢嘉樂及湯盈盈撐場。
祖兒遭林建明及盧海鵬等即興「驗身」，哭笑不得！
湯盈盈與錢嘉樂雙雙赴會，成為焦點。
林建明不慎仆倒，志偉即講笑打圓場。
祖兒瞓身拍MV，充滿美感！