Eason借朱咪咪寸爆TVB
受版稅風波衝擊而絕迹無綫頒獎禮的陳奕迅（Eason）昨日到電台接受訪問，談及TVB疑因星力減弱而縮皮返電視城舉行頒獎禮，記者笑指全因欠他力撐，他即說：「唔好咁講！（冇四大歌手唔知邊個攞？）尹光同朱咪咪嘛！唔係仲有邊個！（無綫話Book唔到期？）即係有人霸期，但應該唔係我。（有期讓畀無綫？）呢個你問陳家瑛（經理人）。」Eason還自爆日前遇上記者追訪，對方邊駕駛邊影相：「唔只無綫縮皮，其他傳媒都要縮皮。」
此外，楊千嬅出席另一活動時亦提及「縮皮事件」，她表示不知情：「只知好多人嚟緊紅館開騷。（同無綫冇約？）我同TVB關係唔止一張紙，由新秀到依家已超越一張紙。」
陳奕迅借朱咪咪過橋，暗寸無綫冇年輕歌手可用。