失婚栢芝愈着愈Cheap

張栢芝接受無綫訪問時剖白內心世界，勸喻失婚女士堅強面對人生，還表示復出是為兒子樹立榜樣，自言無求的她現時生活簡單，不再追求奢華。

栢芝日前接受無綫節目《東張西望》的訪問昨晚播出，已跟謝霆鋒離婚的她心情平復不少，一臉女強人姿態向失婚女士教路指要勇於面對挫折，她自言很敢跌及受傷，從失敗中學習。離婚不久的她談到再搵老公的話題：「第時再搵老公嘅話，出面咁多後生女，點解佢要鍾意你？要令佢覺得自己有咩唔同，要令佢欣賞自己！」她表示經濟沒有問題仍堅持復出拍戲，是為兩名兒子樹立榜樣，教他們跌低要識起身：「我要畀兩個仔學習，媽咪咁辛苦都走過！之前遇到好多嘢好唔開心，但我冇難過，因為冇得再低，之後只會更好、更成功！人生應該要咁處理。」

栢芝表示近年追求的東西「愈來愈低」，以往愛名牌及靚車，但現在覺得物質不能帶來快樂，穿平貨也可以很開心，希望過「正常人」生活：「十幾歲鍾意將名牌撻晒上身，依家就愈着愈平，襯到見得人就OK！我又唔使用靚車，寧願搭的士，又唔使搵車位，又可以同司機吹水。」

有子萬事足

視一對愛子如命的栢芝，很注意健康，怕生病傳染兒子，只要見到他們開心及返學便心滿意足。此外，有指栢芝弟弟栢文私下賣掉家姐買的跑車，他昨日否認：「關於家姐嘅事唔回應喇！冇叫家姐買車畀我！」