姚予晴升Cup全靠黐
姚予晴（Mikki）和楊崢昨日為周大福全力贊助的慈善晚宴記者會擔任模特兒，Mikki低胸性感，她表示在台灣學到谷胸：「Nude Bra加黐透明封箱膠紙，即時升咗一個Cup，台灣前輩做出嚟效果好顯著，可由A Cup變D Cup，真係好誇張。」
另外，曾與楊崢傳緋聞的李丞責被指與港姐劉倩婷撻着，楊崢說：「我不嬲都唔靠緋聞，唔係事實嘅嘢唔想講，件事只想置身事外，大家平時做嘢唔會講私人嘢。」另外，她又表示剛由不丹回港，到當地參觀金剛亥母佛像，由於要行山路，當日天雨路滑，不慎跌倒，搞到周身瘀傷。
