為團結頒獎禮 祖兒願做友誼小姐
容祖兒昨日出席電台節目巡禮後，換上黑色大露背裙，與郭富城一同現身雜誌活動，問到有傳無綫因歌手買少見少，要將明年初的《勁歌金曲總選》由紅館移師回電視城舉行，祖兒無奈地說：「冇辦法，我都控制唔到。世界點變，我都係好鍾意唱歌，無論獎大獎細，有人認同就得，我都想見番熟悉嘅朋友，人齊啲好玩啲。（唔喺紅館冇氣勢？）如果我做到友誼小姐，我會叫大家返嚟，但我只係樂壇其中一個歌手，能力有限，冇得改變太多。」
而城城獲贈法國名畫家繪畫的兩幅演唱會造型的手繪肖像，他表示近半年有發展畫畫的興趣，問到是否畫女友熊黛林（Lynn）？城城說：「我係畫抽象畫，唔係人像！希望大家唔好問咁多工作以外嘅事。」提到近日被指為Lynn親自落街買狗糧，城城說：「唔係事實唔會回應！」又透露演唱會將於12月舉行，先開10場。
容祖兒穿上大露背裙，玉背又白又滑，引死人！
郭富城獲贈其演唱會造型的手繪肖像。