張家輝纜車槍戰過足癮
昨日張家輝、文詠珊（Jancie Man）、余安安及導演周顯揚等到昂坪360宣傳電影《大追捕》。眾人感謝場地大力提供支持，在纜車上拍攝打鬥場面的家輝，笑言拍得好過癮：「我哋真係開咗好多槍、又打晒交，佢哋仲將車廂個玻璃拆落嚟畀我哋拍，真係唔係《蝙蝠俠》先做到o架！」似影射該片早前能輕易取得香港政府同意，能於市區內低飛拍攝。他更透露對手任達華曾在纜車拍攝而暈浪。
雖然家輝與余安安未有對手戲，但兩人非常熟落，家輝說：「我早幾年畀佢隊過o架！因為有個朋友生日，我哋咁啱見到，安安姐咪同我飲囉！飲到我當場出醜都不特止，返到酒店仲半癱瘓咗幾個鐘，所以我對佢真係印象深刻！」另外，對於老闆黎明及樂基兒傳婚變的消息，Janice Man不覺得兩人有異樣：「傳聞都唔會影響到佢哋嘅！」
張家輝（右起）、余安安和Jancie Man到昂坪360谷戲。