關智斌驚與「男友」出街
組合BOYZ成員關智斌和張致恒，以及名模琦琦、歐陽妙芝和馬詩慧等昨日出席皇鳳港式串燒新店開幕，張致恒被問到好友何超雲身形圓潤一事，他說：「佢不嬲肥開，有瘦過咩？（佢男友陳山聰話超雲唔肥？）情人眼裏出西施，不過我都好耐冇見佢啦！」而關智斌表示今次出席是撐老闆之一前Sun Boy'z成員麥子豪場，並無酬勞，故嚷着要麥子豪請他擔任代言人，問到會否帶好友張敬軒來吃串燒？他說：「得閒咪嚟，佢應該鍾意食。（叫張敬軒帶好友許廷鏗嚟？）佢哋純粹朋友，唔好諗多咗，我同男性朋友一齊就畀人話，搞到我唔敢出街。」
