杏兒棄男友首選嘉穎
現時距離台慶頒獎禮雖仍有兩個多月，但視帝、后之爭漸趨白熱化，更爆出不少「賽果」，其中陳法拉與胡杏兒均是視后的熱門人選，但兩位「準視后」對於視帝人選又有何心水呢？杏兒受訪時坦言貪心，一次揀四個：「鄭嘉穎、黃宗澤、Laughing（謝天華）同張智霖都做得好好喎！都係我心水！不過我會撐嘉穎多啲啲，因為同佢合作《怒火街頭》，佢真係脫胎換骨，冇人見過咁嘅嘉穎！個劇唔係大製作，唔聲唔聲有好成績都係因為演員同劇本好。」
至於法拉則指現時「貼心水」言之尚早，但心目中已有兩個人選：「點都要撐謝天華同馬浚偉，一個係拍檔，一個係阿哥，而且兩個都做得好好！」