阿嬌側手翻跌倒跪地
Twins前晚在廣州舉行巡迴演唱會，唱《愛情當入樽》時表演側手翻，可惜鍾欣桐（阿嬌）卻不慎失手跌倒，落地變跪地！她解釋：「因為對鞋好高，所以個位唔係好就到，綵排嗰時唔係着高踭鞋。（失威？）唔覺得係咩！跌完起番身咪得囉！」她表示不會因失手而取消打側手翻，在旁的蔡卓妍（阿Sa）亦自嘲當年打側手翻都曾經失手。
由於在戶外場地演出，兩人在台上又唱又跳，大汗淋漓！而BOYZ及台灣歌手羅志祥（小豬）擔任表演嘉賓，小豬發揮搞笑本色，氹得Twins笑個不停！
( 林楠廣州傳真圖片 )
阿嬌表演側手翻時，不慎跌倒，搞到落地變跪地！( 林楠廣州傳真圖片 )
阿Sa到廣州開騷，不乏性感戰衣。( 林楠廣州傳真圖片 )
小豬擔任表演嘉賓，氹得Twins笑不攏嘴！( 林楠廣州傳真圖片 )