祖兒「傷腳」奏交響樂

樂壇天后容祖兒昨日以「愛心之星」身份出席慈善競跑比賽，演員王宗堯及鄺祖德等忍痛穿上高踭鞋參與，而一向視高踭鞋如命的祖兒笑言三吋半高度只屬「BB班」，毫無難度，不過因工作關係經常穿高踭鞋導致腳患，她說：「左邊腳骹位傷晒，夜晚瞓覺好似交響樂咁啪啪聲響，要成日搵跌打師傅幫幫手！」她透露完成活動後，要飛到杭州工作，還笑言近日在內地工作頻頻遇上騎呢事：「前幾日坐長途車，個司機中途無啦啦話好眼瞓要瞓一陣，咁安全理由，梗係畀佢瞓啦！點知佢又話我哋太嘈，搞到佢瞓唔着！」

第一手消息請瀏覽on.cc 東方互動《即時新聞》

祖兒穿上高踭鞋競跑，駕輕就熟。