鄭融喪犬失眠突然喊
鄭融前晚亮相《星光熠熠耀保良》時心神恍惚，不但表演時搞錯捐款熱線號碼，訪問期間又突然落淚，她解釋：「我有個幾禮拜冇覺好瞓，因為我隻十六歲愛犬死咗，我唔會再養狗。（放假散心？）唔得！一路有工作要做。」古巨基唱串燒歌打頭陣時，將「呵你似歌姬」，疑似唱成「丟你似歌姬」。而來自台灣的炎亞綸在表演環節大受歡迎：「因為我太耐冇嚟香港。（睇咗吳尊新片《大武生》？）我睇咗佢戲中花旦扮相，未有機會睇戲，我都睇緊劇本，未來發展會歌影各半，年底飛輪海會喺內地有跨年活動。」
另外，陳偉霆在後台為排舞師慶祝生日及合照留念。而莊思敏則忍痛表演舞蹈：「我排舞時下下膝頭撞地，撞到瘀晒，要食止痛藥。」而港姐彭慧中及許亦妮等性感上陣，拋胸做慈善。
鄭融想到愛犬離世，突然哭了出來。
彭慧中低胸出擊，十分養眼！
陳偉霆半裸為排舞師慶祝生日。