感激伊健開解
傑青呢個獎係一個鼓勵，令我做公益事業同環保更加易聯絡，好多時一齊去做公益事業嘅人都係傑青，變咗我哋有個好好Network，同我同一屆嘅傑青朋友，差唔多十個有三、四個都邀請我去佢個界別度做慈善工作，變咗我當選傑青令我更加多途徑去貢獻，係值得開心，有更大力量、結集更多人去做一啲好事。
曾經都有為失實嘅新聞氣憤，覺得好可惜，有人咁努力去做好嘢咪畀佢做囉！做乜阻住人去做好嘢同搞佢呢？有嬲過㗎！有次鄭伊健同我講，叫我心裏面千祈唔好有仇恨同擺喺心，我就答佢冇去到仇恨咁嚴重，只係會嬲，激氣在於我都係做好事啫！佢話每個人都有壓力，千祈唔好擺喺心變仇恨，試吓紓解，下一次又係新一天、新訪問，就算見番同一個人，當第一日同你做訪問一樣開開心心，我好多謝佢，佢話有啲嘢係要將經驗轉化，佢都覺得我進步好快。
Kay表示「傑青」對她來說是一個鼓勵，令她更容易與志同道合者做善事。