林莉愛布偶貓夠Lady
模特兒林莉初嘗養寵物滋味，早前她買了一隻七個月大的布偶貓，現時貓兒剛剛一歲，她視對方為寶貝般寵愛：「寶貝好乖、好淡定，好似淑女咁，好黐我，我覺得佢全身白色，好靚，好似公仔咁。」林莉透露寶貝是她買給自己的生日禮物，走勻港九新界的寵物店才買到心頭好：「買寵物真係好講緣分，我之前睇中咗另一隻英國短毛貓，先後去咗三次寵物店，但發覺佢唔係好接受我，我抱佢，佢好驚，仲抓我！後來先見到寶貝，雖然佢當時已經七個月大，同我預計嘅有啲出入，因為我想養兩、三個月大嘅貓，但佢好乖、好靚，朋友話隻貓感覺同我好似，最後我就決定養佢。」雖然只相處了短短數個月，但林莉已視寶貝為家人，承諾會照顧牠一生一世。
剛滿一歲的布偶貓乖巧地由主人林莉抱着。
蜷成波狀的貓兒可愛到暈！