吳若希甜姐兒四季蜜食

歌手吳若希（Jinny）早前親身走入西環尋覓「甜味」，古有農夫因應天氣與季節種出時令農作物，今有Jinny創出「甜品季節論」，從春夏秋冬吃出中西式甜品風味。

樣子甜美的吳若希（Jinny），其酒窩配上招牌燦爛笑容，「甜姐兒」之稱實在當之無愧，Jinny對「甜品」甚有研究，她說：「講到甜品店，唔知大家有冇發現通常都係聚埋一區開業，有得一間總有另一間喺附近。同類食品店競爭就當然有，不過如果有時間細心去睇吓，其實甜品都有好多種，而且各有特色，唔試晒佢又點了解自己口味呢？」

食飽要抹嘴

為分享Sweet到漏食經，日前Jinny就變身「甜品妹」殺入西環搜羅最美味甜品，談到最愛的甜品，Jinny即眼仔睩睩說：「自己咩甜品都鍾意食！但講到最愛，就好睇天氣，咁冬天就梗係首選中式熱辣辣嘅糖水啦，芝麻杏仁糊、木瓜雪耳糖水等等，諗起都流晒口水！不過食完芝麻糊，記得要抹乾淨個嘴。」至於夏天之選，Jinny就親身食住分享。

到達西環，Jinny首先鎖定位於海旁的一間甜品店，而該舖頭老闆正正是為人熟悉的藝人谷祖琳，Jinny說：「呢間係分店，自己去開大坑嗰邊嗰間，知道有啲甜品好似得過獎嘅『牛乳芝士餅套餐』同『楊枝甘露套餐』係西環舖獨有，今次嚟到梗係第一時間嚟試吓先啦！」Jinny鍾情的「牛乳芝士餅套餐」當中包括牛乳芝士餅、草莓雪米糍、奶凍及玄米綠茶，連Jinny都被甜味冧到暈：「個草莓雪米糍超好味！食落同平日嘅雪米糍好唔同，咬開先知裏面仲有果Jam，仲有可以降血脂、血壓嘅健康玄米綠茶，食完都覺得健康啲，不過講到解暑就梗係要食個鮮果冰山啦！」

至愛梳乎厘

歎完海邊風景，Jinny走入西環學校區，來到一間配合店名以「課室」擺設作舖內設計的甜品店，舖內擺放小黑板，連餐牌亦以讀書年代的筆記簿作設計，Jinny說：「入到嚟好似返咗去讀書年代咁。」首次光臨的Jinny就特別叫店員推介三款「鎮店之寶」，在「招牌意大利芝士餅」、「西多士麵包布甸伴雲呢拿雪糕」及「即焗北海道牛奶梳乎厘」中，Jinny就最愛梳乎厘，她說：「真係好好味，奶味好重又唔會太甜，好食過好多大餐廳！」

（A）：3488 1612（B）：2803 2933